ذاتی_مطالعہ 161
حدیثِ مبارکہ میں ہے
إن لله عز وجل عبادا يضن بهم عَن البلاء يحييهم في عافية ويميتهم في عافية ويدخلهم الجنة في عافية
الله رب العزت کے کچھ بندے ایسے بھی ہیں کہ رب العالمین جن کو بلاؤں سے بچاتا ہے اُنہیں عافیت میں زندہ رکھتا ہے اور عافیت میں موت دیتا ہے اور ان کو عافیت کے ساتھ ہی جنت میں داخل فرمائے گا
دوسری روایت میں ہے
إن لله عبادا يضن بهم عَن القتل يطيل أعمارهم في حسن العمل ويحسن أرزاقهم ويحييهم في عافية ويقبض أرواحهم في عافية على الفرش ويبعثهم في عافية فيعطيهم منازل الشهداء
الله رب العزت کے کچھ بندے ایسے بھی ہیں کہ جن سے قتل روکتا ہے اچھے عمل میں اُن کی عمر طویل فرماتا ہے اور ان کو بہترین رزق دیتا ہے اور ان کو عافیت میں زندہ رکھتا ہے اور عافیت کے ساتھ زمین پر ان کی روحیں قبض فرماتا ہے اور قیامت کے دن عافیت کے ساتھ اٹھائے گا اور ان کو شہداء کا مقام دے گا
❗ الطب النبوی لابی نعیم اصفہانی ❗
یہ اُس کی کرم نوازی ہے
اُس کی بارگاہ میں دعاء ہے وہ ہمیں ان میں سے بنا دے
وہ خالق ہے مالک ہے فعال لما یرید ہے
اگر مجھ سے سیاہ کار کو بلا حساب بخشش دے تو اس کا کیا جائے گا
کھربوں کھروں مخلوقات میں سے میں ایک ذرہ ناچیز ہوں میں تھا نہیں تو مجھے اُس نے کیا ہے اور اب وہ مجھے عافیت والوں میں سے کر دے یہی دعاء ہے
✍️ #سیدمہتاب_عالم
